Tolosaldeko Mankomunitatea

Albisteak

Informazio bulegoen ordutegiak
2013|03|25

Informazio bulegoak ireki dira, herritarrek beharrezko informazioa jasotzeko

Alegia | Anoeta | Irura | Villabona | Zizurkil

Eskualdeko 5 herrik atez ateko bilketa eredua gehien birziklatzen duena eta merkeena izateagatik martxan jarriko zutela esan zutenetik, 20 egun pasatu dira. Azken aste hauetan, herritarrak informatzea helburu izan duen Gizarteratze Prozesuan murgilduta ibili gara, eta dagoeneko amaitu da hau ere. Herriz herri eta auzoz auzo, jende askok hartu du parte bilera hauetan.

Behin gizarteratze prozesua amaituta, informazio bulegoak ireki ditugu Amasa-Villabona, Alegia, Irura, Anoeta eta Zizurkilen. Horrela, gizarteratze prozesuan argitu gabe geratu diren kezkak edota bertara joaterik izan ez zutenentzat pentsatuta daude bulego hauek. Bertan, herritarrek beharrezko informazioa jasoko dute eta euren kezkak argitzeko aukera izango dute bertan egongo den hezitzailearen laguntzaz.

Informazio bilera horietan besteak beste, kuboak kalera ateratzean non eta nola kokatu erakusten zuten Udalek eta teknikariek egindako proposamenak erakutsi ziren. Horien inguruan, herritarrek informazio gehiago nahi badute, euren iritzia eman nahi badute edota alegazioak aurkezteko, apirilaren 12rarte izango dute tartea. Epe horretara arte ere, paperaren edukiontzi komunitarioa jartzea erabakitzen dutenek adierazi egin beharko dute informazio bulegoan.

Informazio bulegoak, herriz herri ireki dira. Hala nola, pasa den asteartean Alegia eta Irurako bulegoak ireki ziren, ostiralean Villabonakoa inauguratu zen, astelehenean martxoak 25, Anoetakoa ireki zen eta azkenik, hilaren 26an ireki dute Zizurkilgo informazio bulegoa ere.

Bertan, aipatutako alegazioak aurkezteaz gain, hezitzaile batekin hitz egiteko eta informatzeko aukera izango dute herritarrek. Eta Mankomunitatetik eta Udaletatik herritar guztiak gonbidatu nahi ditugu bertara, informazioa jaso eta bilketa sistema berria gertutik ezagutzeko aukera ematen baitute bulego hauek.

Alegi ordutegia Anoeta ordutegia Irura ordutegia Villabona ordutegia Zizurkil ordutegia
 

Iruzkina egin

CSS | XHTML | WAI-A | Lege oharra | Irisgarritasuna | Kontaktua | Diseinua eta garapena iametza interaktiboa