Tolosaldeko Mankomunitatea

Albisteak

2014|04|04

Gaurtik aurrera, Ibarran ere atez atekoa martxan

Ibarra

Gaur ekingo diogu Ibarran atez ateko bilketari. Azken hilabeteak, erabakiaren inguruko lanetan iragan ondoren, eskualdeko 7. herria izango da eredu hau jartzen. Gizarteratze prozesuan zein kubo banaketetan herritarren parte hartze altua azpimarratu nahi genuke, eta baita herritarren jarrera ona ere.

Eskualdean beste sei herrik egin bezala, euren herrian ahalik eta gehien birziklatzeko aukera jarri nahi izan dute martxan Ibarran ere. Ingurumen, ongizate eta arrazoi ekonomikoak medio, hondakinen kudeaketan aldaketa kualitatibo bat eman, eta etxe guztietan hondakinak ahalik eta gehien sailatzeko baliabideak ematea izan da helburua.

Dagoeneko dena prest dago, eta herritarrak ere bai. Ibarrako familia guztiek dute euren etxeetan beharrezko material guztia eta baita sortzaile bereziek ere (komertzio, edaritegi, instalakuntza publikoak…), beraz, guztiak bilketa berriarekin hasteko prest gaude.

Iluntzeko 20:00tik 22:00ra atera beharko dituzte kuboak herritarrek, gaurkoan, materia organikoarekin hasiko garelarik.

Herriguneko biztanleek izango duten funtzionamentutik at, landa ingurukoek, konpostajearen bidez eta ekarpen guneen bidez bideratuko dituzte euren hondakinak birziklatzera, aurrez etxean, sailkatu ondoren. Hala, Ibarrako kasuan bi ekarpen gune prestatu dira, kasu zehatzetan, larrialdi gune bezala ere erabiltzeko aukera izango delarik. Bata Izaskunen eta bestea Egialde auzoan kokatu direlarik:

Amaitzeko, gogorarazi nahi dugu, edozein arazoren aurrean infomazio bulegoarekin harremanetan jartzea izango dela hoberena. Bertan, kasuz kasuko soluzioak emango baitira.

 

Iruzkina egin

CSS | XHTML | WAI-A | Lege oharra | Irisgarritasuna | Kontaktua | Diseinua eta garapena iametza interaktiboa